11-ci sinif üçün hazırlıq

Dərslər qrup şəklində keçirilir və şagirdlər üçün şəxsi strategiya hazırlanır.

Kursa qeydiyyatdan keçin

Dərslər qrup şəklində keçirilir, buna baxmaraq müəllim tərəfindən hər bir şagirdə fərdi olaraq diqqət göstərilir. Bundan əlavə, hər bir abituriyentə imtahandan yüksək nəticə əldə etməsi üçün fərdi strategiya hazırlanır.

11-ci sinif şagirdlərinə seçilmiş ixtisas qrupuna uyğun olaraq DİM-in həm buraxılış, həm də qəbul imtahanlarına hazırlıq kursları təklif edirik.

Kurs zamanı şagirdlər imtahan üçün zəruri olan nəzəri bilikləri əldə edirlər, imtahan suallarının formatları və həllini öyrənirlər, tapşırıqları yerinə yetirmək üçün ayrılmış vaxtdan səmərəli istifadə etmə üsulları ilə də tanış olurlar. Biz imtahana hazırlıq prosesini asanlaşdıran yaxşı nəzəri baza təmin edirik. Bu zaman bizim əsas prinsipimiz – tapşırıqların həllinə yönəlmiş tədris prinsipi – sarsılmaz olaraq qalır. Hər fənn həftədə bir dəfə tədris olunur və hər dərs 3-4 saat davam edir. Riyaziyyat, tarix, kimya, fizika, biologiya kimi fənlər üzrə dərslər 4 saat keçirilir.

Kurs DİM-in sertifikatlı markerlərinin də yer aldığı "Dərs Evi" müəllimləri tərəfindən aparılır.

Dərslər sentyabrda başlayır və imtahana kimi davam edir. Qəbul imtahanına aid fənlər üzrə dərslər isə imtahanın ikinci mərhələsinə qədər davam edir. Kurs müddətində hər ay Dövlət İmtahan Mərkəzinin ən son buraxılış və qəbul imtahanları formatına uyğun mövzu və ümumi sınaq imtahanları keçirilir.

Hazırlıq kurslarımızın məzunları ölkənin ADA, M.V.Lomonosov adına Moskva Dövlət Universitetinin Bakı filialı (MDU Bakı filialı), Azərbaycan Respublikası Prezidenti yanında Dövlət İdarəçilik Akademiyası, Bakı Ali Neft Məktəbi (BANM), Azərbaycan-Fransız Universiteti (UFAZ), Bakı Dövlət Universiteti (BDU), Azərbaycan Dövlət İqtisad Universiteti (UNEC), Azərbaycan Dövlət Neft və Sənaye Universiteti (ADNSU) kimi ən yaxşı ali məktəblərində təhsil alırlar.

Kursa qeydiyyatdan keçin

Aşağıdakı xanaları doldurun

Sizin üçün maraqlı ola bilər