Ölkədə bir ilk daha! Dərs Evi onlayn tədrisə start verdi!

17.03.2020

Son günlər dünyada yaranan koronavirus təşvişi ölkəmizdən də yan keçmədi. Təhsil müəssisələrində dezinfeksiya işlərinin aparılması məqsədi ilə tədris prosesi müvəqqəti olaraq dayandırılıb.

İnnovasiyalar xətti ilə davam edərək, Dərs Evi yeni onlayn tədris sistemini təqdim edir! Şagirdlərimiz apreldə baş tutacaq buraxılış imtahanına hazırlaşa bilsinlər deyə onlara evdən çıxmadan onlayn vebinara qoşulmaq imkanı verdik. Dərs zamanı eyni ilə sinif otağında olduğu kimi şagirdlər müəllimə suallarını da ünvanlaya bilərlər.

Şagirdlər üçün onlayn tədris sisteminin üstünlüklərindən biri də odur ki, onlar dünya üzrə yenilənən dərs formatı ilə tanış olurlar. Həmçinin vaxta qənaət, ev tapşırıqlarının tez və rahat yoxlanılması, müəllim ilə birbaşa ünsiyyət də onlayn tədris sisteminin güclü tərəflərindəndir. Bu sistem valideynlər üçün də çox rahatdır. Onlar övladlarının tədrisdə irəliləyişini izləyə və davamiyyətlərini nəzarətdə saxlaya bilərlər.

Bu dərs formatı şagirdlərimiz tərəfindən də çox müsbət qarşılanır. Onlar üçün evdən dərsə qoşulmaq həm daha rahat, həm də çox maraqlıdır.

Sözügedən onlayn tədris Dərs Evi şagirdləri üçün tamami ilə ödənişsiz həyata keçirilir.

Ümumiyyətlə təhsil mərkəzimizdə bu ildən etibarən onlayn və blended tədris sisteminin tətbiqinə başlanılacaq. Bu isə öz növbəsində yenilənən dərs formatının ölkədə tətbiqinə və ölkədə təhsil sahəsinin inkişafına imkan yaradacaqdır.

Onlayn dərslərə qoşulmaq üçün aşağıda qeydiyyatdan keçmək lazımdır.

Qeydiyyat

Aşağıdakı xanaları doldurun

Sizin üçün maraqlı ola bilər