Son aylar ərzində çoxumuz sağlamlığımıza qarşı təhlükə ilə qarşılaşdıq, gündəlik həyatımızın böyük hissəsi olan tədris müəssisələrinin bağlanmasını yaşadıq, eləcə də şəxsi həyatımıza və rifahımıza təsir göstərən digər əngəllərlə bağlı problemlərlə üzləşdik.

Lakin, buna baxmayaraq, dünyada həm təhsil mütəxəssislərin, həm fərqli miqyaslı şirkətlərin, icmaların pandemiyaya qarşı birləşmələrinin, öyrənənlər üçün öz mənafelərindən imtina etmələrinin şahidi olduq.

Bütün dünyada universitetlər, məktəblər və kolleclər bağlandığı zaman tədqiqatçılar, müəllimlər və tələbələr bütün yeni pedaqoji alətlərə, ünsiyyət texnikalarına, təlim metodlarına və tədris üslublarına uyğunlaşmaq üçün gecə-gündüz çalışırdılar.

Baş verən hadisələrin dünya üçün şok olmasına baxmayaraq, virtual sinif, distant təhsil, vebinar kimi anlamlar heç kim üçün yeni deyildi. Hətta bəzi təhsil müəssisələri illər ərzində yalnız onlayn formatda fəaliyyət göstərirdi. Azərbaycanda isə onlayn tədrisə keçid çevik olsa da, maarifçilər virtual sinifin idarəedilməsi, dərslərin interaktiv keçirilməsi, irəliləyişin qiymətləndirilməsi və iştirakçılar ilə ünsiyyətin qurulmasında bir sıra problemlər yaşadı.

Konfransın məqsədi dünya maarifçilərinin pandemiya dövründə yaşadığı, öyrəndiyi təcrübələri paylaşmaq, təhsil mütəxəssislərinə dəstək olmaq, onlara tədris sahəsində son yeniliklər barədə məlumat vermək və maarifçiləri vahid forum şəkilində bir araya toplamaqdır.

Konfransda iştirak ödənişsizdir, qeydiyyat vacibdir.

Spikerlər

Yevgeniy Miroşniçenko

Praktik Psixoloqlar Birliyinin prezidenti

  • Metodist, inkişaf etdirici, innovativ və alternativ təhsil sahəsində tədqiqatçı
  • Məktəb müəllimləri və tərbiyəçiləri üçün praktik təlimlərin müəllifi
  • DEC Life School, Ukrayna Aqrar Liseyi, Uşaq Akademiyası kimi "gənc məktəblərdə" StartUp-koordinatoru
  • "Miroshkola" innovativ təhsil məkanının yaradıcısı
  • "MUstudy" təhsil holdinqinin rəhbəri
  • “İzlə və öyrən” kitabının təhsil metodikası üzrə təhsil proqramlarının müəllifi və bələdçisi
Şantal Nabe

Şantal Nabe özünü marketinq tədqiqatlarının psixo-sosiologiyası, kouçinq, zərgərlik sənəti, disleksiyalı insanlar üçün fərdi dərslərin aparılması kimi bir-birindən fərqli sahələrdə sınayıb. Hazırda o, fəaliyyətini yetişkinlər üçün yaratdığı innovativ təhsil sistemi ilə davam etdirir.

Mixail Myaqkov

Yumaks (Maximim Education) təhsil şirkətinin təsisçisi və direktoru. Boston Consulting Group şirkətində çalışarkən dünyada təhsil sahələri üzrə özəl, eləcə də dövlət qurumları üçün konsultasiyalar keçirib. Mixail mütəmadi olaraq müxtəlif beynəlxalq konfrans və sərgilərdə spiker qismində çıxış edir.

Ülviyyə Mikayılova

Ülviyyə Mikayılova təhsildə tədqiqat sahəsində böyük təcrübəyə sahib mütəxəssislərdəndir. 2009-cu ildən Dünya Bankının və YUNİSEF-in beynəlxalq məsləhətçisi kimi həm xaricdə, həm də Azərbaycanda bir sıra islahat yönümlü layihələrdə yer alıb. Hazırda ADA Universitetinin Təhsil fakültəsində baş müəllim kimi fəaliyyət göstərir. Ülviyyə Mikayılovanın elmi məqalələri bir çox yerli və xarici mənbələrdə dərc edilib.

Pavel Belorusskiy

Dərs Evi Təhsildə İnkişaf və İnnovasiyalar Mərkəzinin direktoru, Adizes Azərbaycan İnstitutunun direktoru, Çikaqo Universitetinin Fəlsəfə Doktoru və Qreyvsın «Ən yaxşı müəllim» mükafatının laureatı

Murad Qalleb

“L'Idéale” təhsil qrupunun təsisçisi və icraçı direktoru, Arabigo-nun həmtəsisçi və direktorudur. Həmin mərkəz Tunisdə İngilis dili tədrisi və bu dilin öyrənilməsi üçün apardığı təbliğat işlərinə görə British Council tərəfindən Tunisdəki səfir olaraq təyin edilib.

Bizim tərəfdaşlarımız

Qeydiyyatdan keçin

Aşağıdakı xanaları doldurun